17 жніўня, Мінск /Кар. БЕЛТА/. Пасольства Беларусі ў Іспаніі ўдакладняе, ці ёсць сярод загінулых і пацярпелых у Барселоне грамадзяне Беларусі. Інфармацыя аб гэтым размешчана ў афіцыйным твітар-акаўнце Міністэрства замежных спраў Беларусі, паведамляе БЕЛТА.
Як паведамлялася, сёння ў цэнтры Барселоны пікап заехаў у натоўп людзей. Паводле сведчанняў відавочцаў, загінулі не менш за тры чалавекі, дзясяткі параненыя. Вадзіцель пікапа ўцёк з месца здарэння. Паліцыя лічыць здарэнне тэрактам.-0-