20 сакавіка, Мінск /Кар. БЕЛТА/. Пасажырапаток Нацыянальнага аэрапорта Мінск у студзені-лютым павялічыўся на 11,4 працэнта. Такая інфармацыя размешчана на сайце аэрапорта, паведамляе БЕЛТА.
З пачатку года авіяпрадпрыемства абслужыла 523 364 пасажыры (прырост 11,4 працэнта) і 3590 самалёта-вылетаў (прырост 4,8 працэнта).
У лютым аэрапорт абслужыў 245 276 пасажыраў, прырост склаў 9,4 працэнта. За другі месяц 2018 года абслужана 1695 самалёта-вылетаў, што на 5,3 працэнта больш у параўнанні з аналагічным перыядам 2017 года.-0-