12 снежня, Мінск /Кар. БЕЛТА/. Парывісты вецер чакаецца ў Беларусі 13 снежня, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У сераду будзе воблачна з праясненнямі, пераважна без ападкаў, толькі па паўднёвым усходзе краіны прагназуюцца мокры снег і дождж. На асобных участках дарог чакаецца галалёдзіца.
Вецер прагназуецца паўднёва-заходні 5-10 м/с, ноччу і раніцай парывы дасягнуць 14 м/с, па паўночным захадзе месцамі - да 15-17 м/с.
Тэмпература паветра на працягу сутак складзе ад мінус 1 да плюс 4 градусаў цяпла.-0-