21 сакавіка, Мінск /Кар. БЕЛТА/. Новая рэдакцыя Кодэкса аб адукацыі ўнесена ва ўрад для папярэдняга разгляду. Аб гэтым сёння паведаміў міністр адукацыі Ігар Карпенка ў час анлайн-канферэнцыі на сайце БЕЛТА.
"Новую рэдакцыю Кодэкса аб адукацыі мы ўнеслі ва ўрад для папярэдняга разгляду, пасля разгляду будзе прынята рашэнне аб унясенні яго ў Палату прадстаўнікоў Нацыянальнага сходу Беларусі", - сказаў Ігар Карпенка.
Паводле яго слоў, паралельна вядзецца работа з профільнай парламенцкай камісіяй. "Літаральна гэтымі днямі мы дамовіліся з Ігарам Марзалюком, што той праект, які мы ўнеслі ва ўрад, гатовы ўжо аддаць дэпутатам профільнай камісіі, каб яны таксама з ім пачалі працаваць", - праінфармаваў міністр.-0-