Поўная версія

НАН Беларусі назвала топ-10 вынікаў вучоных за 2017 год

Грамадства 11.01.2018 | 12:39

11 студзеня, Мінск /Кар. БЕЛТА/. Нацыянальная акадэмія навук Беларусі назвала топ-10 вынікаў за 2017 год, паведамілі БЕЛТА ў прэс-службе НАН.

Бюро Прэзідыума НАН вызначыла топ-10 вынікаў дзейнасці вучоных акадэміі за 2017 год у галіне фундаментальных і прыкладных даследаванняў. Сярод тых, што трапілі ў дзясятку, - калектыў вучоных Аб'яднанага інстытута праблем інфарматыкі (за фундаментальныя даследаванні і распрацоўку малагабарытнага мабільнага суперкамп'ютара для апрацоўкі вялікіх масіваў даных і вырашэння задач высокадакладнага мадэлявання і праектавання), аўтарскі калектыў НПЦ па матэрыялазнаўстве (за распрацоўку і сінтэз кампазіцыйных і нанаструктурных магнітных матэрыялаў, што забяспечваюць высокія функцыянальныя ЗВЧ-характарыстыкі і ахову вырабаў мікраэлектронікі ад дэстабілізуючых знешніх удзеянняў).

Вучоныя Аб'яднанага інстытута энергетычных і ядзерных даследаванняў - Сосны ўвайшлі ў дзясятку лепшых за стварэнне метадаў і праграм разліку аптычных сячэнняў атамных ядзер з гарантаванай дакладнасцю, прымяняемых пры вырашэнні навуковых і інжынерных задач атамнай энергетыкі.

Калектыў вучоных Інстытута біяарганічнай хіміі будзе ўзнагароджаны за ўстанаўленне малекулярнага механізма падаўлення імунітэту чалавека мікабактэрыямі Mycobacterium tuberculosis з мэтай стварэння процітуберкулёзных прэпаратаў новага пакалення, аўтарскі калектыў Інстытута біяарганічнай хіміі - за выяўленне новага ўніверсальнага індыкатару антыаксідантнага патэнцыялу для дыягностыкі ўстойлівасці чалавека да акісляльнага стрэсу. Старшы навуковы супрацоўнік Інстытута біяфізікі і клетачнай інжынерыі, кандыдат біялагічных навук, дацэнт Сяргей Федаровіч адзначаны за ўстанаўленне механізма парушэнняў сінаптычнай перадачы ў нейронах у жывёл пры гіпаксіі, карэкцыя якіх дазваляе ахаваць мозг ад пашкоджанняў пры ішэмічным інсульце.

За выяўленне і інактывацыю генаў рэгуляцыі біясінтэзу антымікробных метабалітаў у бактэрый, што дазваляе істотна павысіць прадукцыю мэтавых біялагічна актыўных злучэнняў і стварыць сродкі аховы раслін новага пакалення, адзначаны калектыў аўтараў Інстытута мікрабіялогіі.

Вучоныя Інстытута глебазнаўства і аграхіміі стварылі мікробную кампазіцыю, што спалучае ўласцівасці біяўгнаення, рэгулятара росту і біяфунгіцыду. Аўтарскі калектыў Цэнтра даследаванняў беларускай культуры, мовы і літаратуры і Аб'яднанага інстытута праблем інфарматыкі распрацаваў метадалогію канверсавання электроннага арфаграфічнага запісу беларускіх слоў у фанетычную транскрыпцыю і стварэнне першага поўнага беларускага лінгвістычнага даведніка. Вучоныя Інстытута гісторыі ўвайшлі ў лік пераможцаў за адкрыццё ў Палессі ўнікальных для сусветнай гістарычнай навукі славянскіх паселішчаў, а таксама раскрыццё працэсу фарміравання і развіцця раннеславянскай агульнасці на тэрыторыі Беларусі.

Узнагароджанне пераможцаў будзе прымеркавана да святкавання Дня беларускай навукі ў канцы студзеня 2018 года.-0-

Навіны рубрыкі Грамадства
Шчырая размова на важныя для моладзі тэмы - студэнты аб сустрэчы з Прэзідэнтам
19 кастрычніка, 19:14
Генеральны сакратар АБСЕ адзначыў ролю Беларусі ў міжнародным супрацоўніцтве ў барацьбе з гандлем людзьмі
19 кастрычніка, 17:39
Рыжанкоў паабяцаў вырашыць пытанне з адсутнасцю педыятра ў Моталі
19 кастрычніка, 17:04
Першы Усебеларускі народны сход. Мінск, 19 кастрычніка 1996 года Да 100-годдзя БЕЛТА: "Навiны складаюць гiсторыю". Першы Усебеларускі народны сход
19 кастрычніка, 16:19
Мінтранс мае намер узмацніць адказнасць аўтаперавозчыкаў за невыкананне патрабаванняў бяспекі
19 кастрычніка, 13:19
Шчоткіна: малы бізнес - ключ да самарэалізацыі жанчын у вёсцы
19 кастрычніка, 11:59
Фота з архіва Тэматычныя змены, інклюзія, профільныя лагеры - Карпенка аб прыярытэтах летняга аздараўлення
19 кастрычніка, 11:57
Праект "Электронная школа" пачне працаваць ва ўсіх школах Беларусі ў бліжэйшыя 2-3 гады
19 кастрычніка, 09:07
МУС абсталявала трывожнымі кнопкамі больш за 300 навучальных устаноў Мінска
18 кастрычніка, 15:35
Поўная версія