16 лютага, Мінск /Кар. БЕЛТА/. Намеснікамі старшыні Беларускага дзяржаўнага канцэрна па нафце і хіміі назначаны Уладзімір Сізоў і Святлана Гурына, паведамілі БЕЛТА ў прэс-службе беларускага ўрада.
Адпаведнае рашэнне замацавана пастановамі Савета Міністраў ад 16 лютага нумар 133 і нумар 134.
Канцэрн "Белнафтахім" - адзін з буйнейшых прамысловых комплексаў Беларусі. Ён створаны ў красавіку 1997 года і аб'ядноўвае прадпрыемствы і арганізацыі па здабычы, перапрацоўцы і транспарціроўцы нафты, нафтапрадуктазабеспячэнні, хіміі і нафтахіміі, шэраг навуковых, праектна-канструктарскіх, будаўнічых, рамонтных і пусканаладачных арганізацый, а таксама шырокую тавараправодную сетку на замежных рынках.-0-