Поўная версія

МУС Беларусі і Фінляндыі будуць развіваць супрацоўніцтва

Грамадства 13.09.2017 | 19:36
У час сустрэчы. Фота пасольства Беларусі ў Фінляндыі
У час сустрэчы. Фота пасольства Беларусі ў Фінляндыі

13 верасня, Мінск /Кар. БЕЛТА/. Міністэрствы ўнутраных спраў Беларусі і Фінляндыі будуць развіваць супрацоўніцтва. У час візіту дэлегацыі беларускага ведамства на чале з міністрам унутраных спраў Ігарам Шуневічам у Фінляндыю быў падпісаны мемарандум аб узаемаразуменні паміж МУС дзвюх краін, паведамілі БЕЛТА ў пасольстве Беларусі.

Фота пасольства Беларусі ў Фінляндыі

"Дакумент прадугледжвае паглыбленне супрацоўніцтва па абмене інфармацыяй, якая мае ўзаемны інтарэс, выкананні запытаў аб аказанні садзейнічання, правядзенні рабочых сустрэч, кансультацый, практычных канферэнцый і семінараў, а таксама сумесных навуковых даследаванняў", - расказалі ў дыппрадстаўніцтве.

Фота пасольства Беларусі ў Фінляндыі

Кіраўнікі двух міністэрстваў правялі перагаворы, абмеркавалі пытанні барацьбы з арганізаванай злачыннасцю, тэрарызмам і экстрэмізмам. Бакі таксама абмяняліся вопытам па забеспячэнні грамадскай бяспекі, разгледзелі перспектывы ўзаемадзеяння ў прафесійнай падрыхтоўцы кадраў.

Беларуская дэлегацыя наведала адно з рэгіянальных упраўленняў паліцыі ў горадзе Вантаа, дзе азнаёмілася з практычнай арганізацыяй работы па забеспячэнні правапарадку на месцах.-0-

Фота пасольства Беларусі ў Фінляндыі

Навіны рубрыкі Грамадства
Поўная версія