15 жніўня, Мінск /Кар. БЕЛТА/. Моладзь адыгрывае асаблівую ролю ў рабоце па дасягненні Мэт устойлівага развіцця, заявіла сёння намеснік старшыні Савета Рэспублікі, нацыянальны каардынатар па МУР Мар'яна Шчоткіна на форуме "Інавацыі падлеткаў і моладзі для дасягнення Мэт устойлівага развіцця" ў дзіцячым цэнтры "Зубраня". Аб гэтым БЕЛТА паведамілі ў прэс-службе верхняй палаты беларускага парламента.
У форуме прынялі ўдзел 150 падлеткаў. Яны прадставілі свае ідэі і праекты па дасягненні МУР у розных сферах, у тым ліку ахове навакольнага асяроддзя, здаровым ладзе жыцця, якаснай адукацыі. Адбыўся круглы стол, дзе сабраліся маладзёжныя паслы МУР.
Мар'яна Шчоткіна падзякавала ўсім за актыўны ўдзел у форуме. "Мы хочам пачуць моладзь і вызначыць тыя тэмы, напрамкі, якімі будзем разам займацца, - сказала яна. - Калі маладым людзям цікавы гэтыя пытанні, значыць, будзе над чым працаваць".
У Беларусі на розных узроўнях ажыццяўляецца далучэнне моладзі да дасягнення Мэт устойлівага развіцця. "Важна інфармаваць маладых людзей, школы, сады аб Мэтах устойлівага развіцця. Бо за моладдзю - наша будучыня", - рэзюмавала Мар'яна Шчоткіна.
Форум арганізаваны ў час рэалізацыі праекта ПРААН/ЮНІСЕФ/ЮНФПА "Падтрымка функцыянавання архітэктуры кіравання працэсам дасягнення Мэт устойлівага развіцця Рэспублікі Беларусь" пры ўдзеле нацыянальнага каардынатара па дасягненні МУР, МЗС і Мінадукацыі.-0-
