20 жніўня, Мінск /Кар. БЕЛТА/. Мясцовыя ўлады атрымаюць доступ да базы даных працаздольных грамадзян, не занятых у эканоміцы, з 1 лістапада, паведамляе БЕЛТА са спасылкай на Нацыянальны цэнтр электронных паслуг.
Пастановай Савета Міністраў нумар 509 вызначаны пералікі спажыўцоў, з якімі магчыма заключэнне дагавораў на аказанне электронных паслуг ААІС (агульнадзяржаўнай аўтаматызаванай інфармацыйнай сістэмы).
Размова ідзе пра паслугі, звязаныя з базай даных працаздольных грамадзян, не занятых у эканоміцы. Гэта перадача з дапамогай ААІС спісаў ідэнтыфікацыйных нумароў, іншых персанальных даных для фарміравання базы не занятых у эканоміцы (раней паведамлялася, што яна будзе даступна з 1 верасня), а таксама прадастаўленне з дапамогай ААІС доступу да гэтай базы (паслуга даступна з 1 лістапада).
Паслуга па перадачы спісаў даных для складання базы даступна дзяржорганам і іншым арганізацыям (міністэрствы, "Белдзяржстрах", творчыя саюзы, прыватныя ўстановы адукацыі, аблвыканкамы і Мінскі гарвыканкам, іншыя дзяржорганы).
Спажыўцы паслугі па прадастаўленні доступу да базы даных не занятых у эканоміцы - мясцовыя выканаўчыя і распарадчыя органы (аблвыканкамы і Мінгарвыканкам, гар-, рай-, сель- і пасялковыя выканкамы, адміністрацыі раёнаў у гарадах).-0-
