21 сакавіка, Мінск /Кар. БЕЛТА/. Міністэрства прыродных рэсурсаў і аховы навакольнага асяроддзя заклікае беларусаў далучыцца да акцыі "Гадзіна Зямлі - 2019", якая пройдзе 30 сакавіка, паведамілі БЕЛТА ў прэс-службе ведамства.
Мінпрыроды прапануе выключыць святло, не жыццёва важныя электрапрыборы (акрамя ліфтаў) на адну гадзіну з 20.30 да 21.30. "Выключэнне святла мае сімвалічны характар і не накіравана на эканомію электрычнасці, - дадалі ў міністэрстве. - Акцыя накіравана на прыцягненне ўвагі людзей да праблемы глабальнага пацяплення і заклікае заставацца неабыякавым да будучыні планеты".
Акцыя "Гадзіна Зямлі" - штогадовая міжнародная падзея, праводзімая Сусветным фондам дзікай прыроды (WWF) у апошнюю суботу сакавіка.-0-
