2 жніўня, Мінск /Кар. БЕЛТА/. Міністэрству прыродных рэсурсаў і аховы навакольнага асяроддзя выдзеляць Br385 тыс. для куплі мабільнай лабараторыі для кантролю за забруджваннем водных аб'ектаў. Гэта прадугледжана пастановай Савета Міністраў Беларусі ад 31 ліпеня 2019 года нумар 500, якая сёння афіцыйна апублікавана на Нацыянальным прававым інтэрнэт-партале, паведамляе БЕЛТА.
Грошы будуць выдзелены Міністэрствам фінансаў у другім паўгоддзі са сродкаў, прадугледжаных у рэспубліканскім бюджэце на фінансаванне расходаў, звязаных са стыхійнымі бедствамі, аварыямі і катастрофамі.
Дзяржаўная ўстанова "Рэспубліканскі цэнтр аналітычнага кантролю ў галіне аховы навакольнага асяроддзя" атрымае Br385 тыс. для правядзення закупкі мабільнай лабараторыі ў мэтах забеспячэння аператыўнага кантролю за колькасцю забруджвальных рэчываў у саставе водных аб'ектаў і прыняцця рашэння для прадухілення негатыўнага ўздзеяння на навакольнае асяроддзе.
Дакумент прыняты ў адпаведнасці з законам ад 30 снежня 2018 года нумар 160 "Аб рэспубліканскім бюджэце на 2019 год".-0-
