Сцяг Пятніца, 29 сакавіка 2024
Усе навіны
Усе навіны
Грамадства
12 красавіка 2019, 12:51

Мінпрацы прадставіла на "ТІБО" сэрвіс "Электронны кірмаш вакансій"

Мінпрацы прадставіла на "ТІБО" сэрвіс "Электронны кірмаш вакансій"

12 красавіка, Мінск /Кар. БЕЛТА/. Міністэрства працы і сацыяльнай абароны прадставіла на Міжнароднай інфармацыйна-тэлекамунікацыйнай выстаўцы "ТІБО-2019" сэрвіс "Электронны кірмаш вакансій", паведамілі карэспандэнту БЕЛТА ў ведамстве.

Сэрвіс дазваляе ў анлайн-рэжыме забяспечыць прамы і актыўны дыялог наймальніка з саіскальнікам, якія тэрытарыяльна знаходзяцца ў розных месцах. Акрамя таго, ён дае магчымасць перадаць анлайн рэзюмэ. Саіскальнікі могуць загадзя (да дня правядзення электроннага кірмашу) азнаёміцца з інфармацыяй аб прадпрыемстве, падрыхтавацца да гутаркі з наймальнікам.

Першы электронны кірмаш вакансій прайшоў у сталіцы з 17 па 19 снежня мінулага года. У пілотным праекце ўдзельнічалі пяць арганізацый: авіякампанія "Белавія", Мінскі метрапалітэн, кіруючая кампанія холдынга "Мінскі маторны завод", станкабудаўнічы завод "МЗОР" і Мінскае гарадское ўпраўленне МНС. Яны прапанавалі 575 вакансій. За тры дні свае рэзюмэ накіравалі 95 чалавек, а колькасць наведванняў сайта перавысіла 3 тыс.

Таксама на "ТІБО" прадстаўлена новая версія карпаратыўнага партала Фонду сацыяльнай абароны насельніцтва (www.portal2.ssf.gov.by) - асноўнага інструмента электроннага ўзаемадзеяння суб'ектаў гаспадарання з фондам. Праз яго можна ў анлайн-рэжыме падаваць справаздачнасць і дакументы, адсочваць праходжанне імі ўсіх стадый кантролю і інш. Абноўлены асабісты кабінет плацельшчыка.

"Новая версія карпаратыўнага партала падтрымлівае як традыцыйны электронны лічбавы подпіс, так і мабільны. Для павышэння ўзроўню даступнасці і стандартызацыі тэхналагічных рашэнняў партал інтэграваны з Універсальнай сістэмай доступу (УСД), якая дазваляе праводзіць ідэнтыфікацыю, аўтэнтыфікацыю фізічных (юрыдычных) асоб пры іх доступе да дзяржаўных або іншых прыкладных інфармацыйных сістэм з выкарыстаннем сертыфіката адкрытага ключа", - адзначылі ў міністэрстве.

ХХVI Міжнародны ІКТ-форум "ТІБО-2019" праходзіць у Мінску з 9 па 12 красавіка.-0-

Падпісвайцеся на нас у
Twitter
Топ-навіны
Свежыя навіны Беларусі