18 ліпеня, Мінск /Кар. БЕЛТА/. Анлайн-канферэнцыя на тэму "Забеспячэнне тэхнічнымі сродкамі сацыяльнай рэабілітацыі" пройдзе 18 ліпеня ў Міністэрстве працы і сацыяльнай абароны, паведамілі БЕЛТА ў Мінпрацы.
З 14.00 да 15.00 намеснік міністра працы і сацыяльнай абароны Аляксандр Румак, начальнік упраўлення па справах інвалідаў Аляксандра Шаўцова, а таксама кансультант упраўлення па справах інвалідаў Тамара Гардзеня адкажуць на пытанні, звязаныя з забеспячэннем грамадзян тэхнічнымі сродкамі сацыяльнай рэабілітацыі, парадкам і ўмовамі іх атрымання.
Інтэрактыўны праект рэалізуецца на сайце Мінпрацы. Кожны наведвальнік можа загадзя або непасрэдна ў час канферэнцыі задаць яе ўдзельнікам пытанні, якія яго цікавяць. Адказы будуць публікавацца ў рэжыме рэальнага часу ў адкрытым доступе.-0-