1 сакавіка, Мінск /Кар. БЕЛТА/. Марознае са снегам надвор'е чакаецца ў Беларусі ў выхадныя, паведамілі карэспандэнту БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
"Каляндарная зіма пачалася снегападам. Атмасферныя франты ад цыклону, які кружыць над Украінай, у першыя дні сакавіка будуць фарміраваць надвор'е ў нашай краіне", - праінфармавалі ў Белгідрамеце.
Так, у пятніцу чакаецца пераважна воблачнае надвор'е. На большай частцы тэрыторыі пройдзе снег. На асобных участках дарог захаваецца галалёдзіца. Тэмпература паветра ўначы панізіцца да 10-15 градусаў, пры праясненнях - да 16-20 марозу. Тэмпература паветра ўдзень складзе мінус 4-9 градусаў.
У суботу і нядзелю тэрыторыя Беларусі застанецца пад уплывам атмасферных франтоў ад цыклону, які з Украіны паволі будзе перамяшчацца на цэнтральныя раёны еўрапейскай тэрыторыі Расіі. Чакаецца марознае са снегам надвор'е.
У суботу, 3 сакавіка, на большай частцы тэрыторыі рэспублікі прагназуецца снег, па Гомельскай вобласці - працяглы снег. Будзе слабая мяцеліца, на дарогах месцамі галалёдзіца. Тэмпература паветра ўначы складзе 10-16 марозу, месцамі пры праясненнях панізіцца да 18 градусаў. Удзень чакаецца мінус 4-9, па паўднёвым усходзе мароз аслабее да 1-3 градусаў.
У нядзелю на большай частцы тэрыторыі чакаецца снег, па Магілёўскай вобласці - працяглы снег. Прагназуецца слабая мяцеліца, на дарогах месцамі галалёдзіца. Тэмпература паветра ноччу складзе мінус 7-13 градусаў, па захадзе краіны пры праясненнях можа панізіцца да 14-17 градусаў. Днём будзе ад мінус 2 па паўднёвым захадзе да мінус 9 па паўночным усходзе краіны.
У панядзелак, 5 сакавіка, рэспубліка апынецца пад уплывам вобласці павышанага атмасфернага ціску, сфарміраванай у вільготнай паветранай масе. У асобных раёнах не абыдзецца без снегу. Ноччу і раніцай месцамі чакаецца туман. На асобных участках дарог прагназуецца галалёдзіца. Тэмпература паветра ўначы складзе 8-14 марозу, пры праясненнях месцамі - мінус 15-18 градусаў. Удзень - мінус 1-7, па паўднёвым захадзе краіны будзе да 3 градусаў цяпла.-0-
