9 лістапада, Мінск /Кар. БЕЛТА/. Міністр працы і сацыяльнай абароны Беларусі Ірына Касцевіч сёння ў парламенце расказала, каму з работнікаў бюджэтных арганізацый з 1 снежня павялічаць зарплаты, перадае карэспандэнт БЕЛТА.
Паводле слоў міністра, павышэнне закране работнікаў сферы сацыяльнага абслугоўвання, работнікаў культуры, а таксама бюджэтнікаў з 1-га па 17-ы разрады. Адпаведны праект пастановы ўжо ўнесены.
Ірына Касцевіч таксама дадала, што ў сярэднім рост зарплат складзе каля 7 працэнтаў.-0-