11 кастрычніка, Мінск /Кар. БЕЛТА/. Газета "7 дней" сёння запускае новы мультымедыйны прадукт, які дасць магчымасць чытачам адначасова азнаёміцца з друкаваным тэкстам і відэа, якое развівае тэму, паведамляе БЕЛТА.
Першы матэрыял прымеркаваны да 75-годдзя знішчэння Мінскага гета. Сваімі ўспамінамі пра перажытае падзяліліся былыя вязні: карэнныя мінчане Нэлі Шэнкер і Навум Хейфец. Іх расказы апублікаваны на старонках штотыднёвіка, а відэа - на сайце БЕЛТА.
З дапамогай QR-кода, які размешчаны ў друкаванай версіі, можна перайсці на сайт belta.by і паглядзець інтэрв'ю з вязнямі Мінскага гета.
Аналагічную форму падачы матэрыялу выданне будзе выкарыстоўваць і ў далейшым.
Газета "7 дней" уваходзіць у структуру Беларускага тэлеграфнага агенцтва, якое цяпер актыўна развівае мультымедыйны напрамак.-0-
