11 чэрвеня, Мінск /Кар. БЕЛТА/. Аранжавы ўзровень небяспекі аб'яўлены ў Беларусі на 12 чэрвеня, гарачае надвор'е захаваецца да канца тыдня, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Днём у сераду, 12 чэрвеня, на большай частцы тэрыторыі максімальная тэмпература паветра дасягне 30-33 градусаў вышэй за нуль. Чакаецца пераменная воблачнасць без істотных ападкаў. Толькі ўдзень месцамі па паўночным усходзе пройдуць кароткачасовыя дажджы і навальніцы. Вецер прагназуецца паўднёва-ўсходні 3-8 м/с, пры навальніцах парывы да 14 м/с.
Тэмпература паветра мінімальная ўначы складзе ад плюс 11 на поўначы да 20 градусаў на поўдні Беларусі, максімальная ўдзень - плюс 27-33.-0-
