30 ліпеня, Мінск /Кар. БЕЛТА/. Пасяджэнне экспертнай групы па ўзгадненні праекта пагаднення аб сумеснай (аб'яднанай) сістэмы сувязі ўзброеных сіл краін Садружнасці пройдзе 1-2 жніўня ў Выканаўчым камітэце СНД у Мінску, паведамілі БЕЛТА ў прэс-службе ведамства.
Дакумент распрацаваны Генеральным штабам Узброеных Сіл Расіі. "Сумесная сістэма сувязі будзе стварацца, нарошчвацца і функцыянаваць за кошт найбольш поўнага і эфектыўнага выкарыстання існуючага рэсурсу сістэм сувязі нацыянальных узброеных сіл і дзяржаўных сетак сувязі краін - удзельніц пагаднення. У далейшым гэта дасць магчымасць вызначыць агульныя погляды на развіццё і ўдасканаленне сістэмы, адзіныя арганізацыйна-тэхнічныя падыходы да супрацоўніцтва, а таксама будзе стымуляваць прыярытэтнае аснашчэнне нацыянальных узброеных сіл сучаснай ваеннай тэхнікай сувязі", - расказалі ў штаб-кватэры СНД.
У прэс-службе ўдакладнілі, што рэалізацыя палажэнняў дакумента не запатрабуе выдзялення дадатковых фінансавых сродкаў і не прывядзе да спынення дзеяння раней прынятых міжнародных дагавораў у гэтай сферы.-0-
