9 снежня, Мінск /Кар. БЕЛТА/. ДАІ Мінскай вобласці правядзе з 9 па 11 снежня масіраваную адпрацоўку дарогі Р28 Мінск-Маладзечна-Нарач, паведамілі БЕЛТА ва УДАІ УУС Мінаблвыканкама.
Пад асаблівым кантролем будуць парушэнні скорасных рэжымаў, правіл манеўравання і абгону. Узмоцніцца работа па выяўленні нецвярозых вадзіцеляў з выкарыстаннем адкрытага, негалоснага і змешанага кантролю. Без увагі не застануцца і пешаходы, якія не захоўваюць ПДР і не выкарыстоўваюць святловяртальныя элементы ў цёмны час сутак.
Дзяржаўтаінспекцыя настойліва рэкамендуе ўдзельнікам дарожнага руху выконваць патрабаванні ПДР, быць уважлівымі і дысцыплінаванымі на дарозе.-0-
