22 сакавіка, Мінск /Кар. БЕЛТА/. Да 6 градусаў цяпла чакаецца ў Беларусі 23 сакавіка, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Будзе воблачна з праясненнямі. Пераважна па паўночнай палавіне рэспублікі пройдзе невялікі снег. На асобных участках дарог захаваецца галалёдзіца. Вецер будзе паўднёва-заходні, заходні 4-9 м/с, удзень па поўначы парывы да 14 м/с.
Тэмпература паветра ўначы складзе 1-7 градусаў марозу (у паўднёвых раёнах пры праясненнях да мінус 9). Удзень чакаецца ад нуля да плюс 6.-0-