29 мая, Мінск /Кар. БЕЛТА/. Да 30 градусаў цяпла чакаецца ў Беларусі 30 мая, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.
Прагназуецца пераменная воблачнасць. Будзе пераважна без ападкаў, толькі ўдзень месцамі па ўсходзе магчымы невялікія кароткачасовыя дажджы, навальніцы. Вецер ноччу чакаецца слабы, удзень - паўднёва-заходні 3-8 м/с.
Тэмпература паветра ўначы складзе 13-18 градусаў вышэй за нуль, у асобных раёнах будзе плюс 9-12 градусаў. Днём чакаецца 24-30 градусаў цяпла.-0-