17 кастрычніка, Мінск /Кар. БЕЛТА/. Да 21 градуса цяпла чакаецца па поўдні Беларусі 18 кастрычніка, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Будзе воблачна з праясненнямі, пераважна без ападкаў, толькі ў асобных раёнах па паўночным усходзе краіны пройдуць невялікія дажджы. Ноччу і раніцай месцамі прагназуецца слабы туман. Вецер будзе паўднёва-заходні, заходні 5-10 м/с, парывы да 14 м/с.
Тэмпература паветра ноччу складзе 8-13 градусаў цяпла. Днём будзе 12-18, па поўдні - да плюс 21 градуса.-0-