17 кастрычніка, Мінск /Кар. БЕЛТА/. Да 20 градусаў цяпла прагназуецца ў Беларусі 18 кастрычніка. У начны і ранішні час у асобных раёнах краіны чакаецца туман, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У бліжэйшыя суткі будзе пераменная воблачнасць, пераважна без ападкаў. Толькі ўначы і раніцай месцамі па поўначы пройдуць невялікія кароткачасовыя дажджы. Вецер паўднёва-заходні, паўднёвы 3-8 м/с.
Тэмпература ўначы складзе плюс 5-11 градусаў. Удзень паветра прагрэецца да 14-20 градусаў.-0-
