11 кастрычніка, Мінск /Кар. БЕЛТА/. Да 19 градусаў цяпла і без ападкаў чакаецца ў Беларусі 12 кастрычніка, паведамілі БЕЛТА ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.
У пятніцу чакаецца пераменная воблачнасць. Уначы і раніцай месцамі магчымы туман. Вецер уначы будзе слабы, удзень паўднёва-ўсходні 3-8 м/с.
Тэмпература паветра ўначы складзе 4-10 градусаў вышэй за нуль, у асобных раёнах - плюс 1-3 градусы. Удзень будзе 13-19 цяпла.-0-
