18 студзеня, Мінск /Кар. БЕЛТА/. РУП "Белпошта" пракаменціравала сітуацыю з падробленымі паведамленнямі аб выплаце збору на фінансаванне дзяржрасходаў у паштовых скрынях, паведамляе карэспандэнт БЕЛТА.
"У РУП "Белпошта" паступіла інфармацыя аб тым, што некалькі жыхароў Заводскага раёна Мінска зоны абслугоўвання аддзялення паштовай сувязі нумар 47 атрымалі ў паштовыя скрыні паведамленні аб паступленні ў іх адрас заказной карэспандэнцыі з паметкай "Падаткі". Па выніках праверкі ўстаноўлена, што гэтыя паведамленні супрацоўнікамі "Белпошты" не раздрукоўваліся і не дастаўляліся", - расказалі ў "Белпошце".
"Цяпер работнікі "Белпошты" запісваюць кантактныя даныя грамадзян, якія атрымалі такія паведамленні, супакойваюць іх і інфармуюць аб тым, што гэтыя паведамленні несапраўдныя", - дадалі на прадпрыемстве.-0-