Сцяг Пятніца, 29 сакавіка 2024
Усе навіны
Усе навіны
Грамадства
07 лютага 2019, 12:27

Белкаапсаюз плануе ў гэтым годзе завяршыць мадэрнізацыю гандлёвых кропак

7 лютага, Мінск /Кар. БЕЛТА/. Рэфармаванне гандлёвых кропак Белкаапсаюза плануецца завяршыць у бягучым годзе. Аб гэтым у эфіры тэлеканала СТБ расказаў старшыня праўлення Белкаапсаюза Валерый Іваноў, паведамляе БЕЛТА.

"Мы рэзка змянілі свой фармат работы. Гэта дало магчымасць скласці канкуренцыю. Плануем у 2019 годзе завяршыць поўнасцю рэфармаванне ўсіх гандлёвых кропак. Не толькі ў райцэнтрах, вялікіх сельскіх населеных пунктах, але і ў дробных", - сказаў Валерый Іваноў. Ён дадаў, што ўдасканаленне датычацца ў тым ліку і паслуг, якія аказвае спажыўкааперацыя, выконваючы сацыяльныя функцыі ў вёцы.

У 2018 годзе ў развіццё інфраструктуры Белкаапсаюза было інвесціравана амаль Br28 млн. Курсіруюць ужо два дзясяткі новых аўтакрам. Актыўна ідзе перафармаціраванне гандлёвых аб'ектаў у аграгарадках. Устанаўліваецца і новае касавае абсталяванне. Дырэктар вылічальнага цэнтра Белкаапсаюза Георгій Кашкараў расказаў аб камп'ютарна-касавай сістэме для сельскага магазіна: "Касір мае ў рэжыме анлайн пастаянную сувязь з таваразнаўцамі - можна давецца, якога тавару не хапае і тэрмінова трэба прывезці. У вёсцы можна будзе камунальныя плацяжы прымаць - гэта дадатковая функцыя, якую мы рыхтуем".

Як адзначаецца, напярэдадні II Еўрапейскіх гульняў стаўка ў Белкаапсаюзе зроблена і на развіццё прыдарожнага сэрвісу. Таксама важны фактар - дастаўка па заказах прадукцыі ўласнай вытворчасці.

Адзін з перспектыўных напрамкаў - стварэнне інтэрнэт-вітрын па рэалізацыі нехарчовых тавараў. У 2019 годзе Белкаапсаюз мае намер істотна перафармаціраваць работу ўласнай гандлёвай сеткі з тым, каб прапанаваць кожнаму жыхару краіны якасныя паслугі.-0-

Падпісвайцеся на нас у
Twitter
Топ-навіны
Свежыя навіны Беларусі