2 красавіка, Мінск /Таццяна Іванюк - БЕЛТА/. Кіраўніцтва авіякампаніі "Белавія" прыняло рашэнне аб адмене рэйсаў у Сімферопаль (Крым) на лета 2014 года. Аб гэтым карэспандэнту БЕЛТА паведаміў намеснік генеральнага дырэктара па маркетынгу і знешнеэканамічнай дзейнасці "Белавія" Ігар Чаргінец.
"У гэтым годзе рэйсаў у Сімферопаль не будзе. Мы не будзем лятаць па камерцыйных прычынах - з-за невялікай загрузкі. Білеты набываюцца слаба", - растлумачыў намеснік кіраўніка прадпрыемства.
У мінулыя гады паветраныя судны "Белавія" ляталі ў Сімферопаль летам - з чэрвеня па жнівень. Авіяперавозчык даўно пачаў выконваць палёты ў гэты горад. Некалькі гадоў таму беларуская авіякампанія ўжо перапыняла зносіны з Сімферопалем, што таксама было звязана з невысокімі фінансавымі вынікамі, расказаў Ігар Чаргінец.
У канцы студзеня 2014 года "Белавія" пачала работу ў юрыдычным статусе адкрытага акцыянернага таварыства. З'яўляецца буйнейшым авіяперавозчыкам Беларусі, у тым ліку вядучым грузавым. Базіруецца ў Нацыянальным аэрапорце Мінск і ажыццяўляе рэгулярныя рэйсы ў 43 аэрапорты краін Еўропы і Азіі. Адпавядае вышэйшым міжнародным стандартам забеспячэння бяспекі. Флот авіякампаніі налічвае 22 паветраныя судны. У студзені-сакавіку бягучага года "Белавія" перавезла амаль 270,4 тыс. пасажыраў, што на 15,1 працэнта больш у параўнанні з аналагічным перыядам мінулага года.
"У гэтым годзе рэйсаў у Сімферопаль не будзе. Мы не будзем лятаць па камерцыйных прычынах - з-за невялікай загрузкі. Білеты набываюцца слаба", - растлумачыў намеснік кіраўніка прадпрыемства.
У мінулыя гады паветраныя судны "Белавія" ляталі ў Сімферопаль летам - з чэрвеня па жнівень. Авіяперавозчык даўно пачаў выконваць палёты ў гэты горад. Некалькі гадоў таму беларуская авіякампанія ўжо перапыняла зносіны з Сімферопалем, што таксама было звязана з невысокімі фінансавымі вынікамі, расказаў Ігар Чаргінец.
У канцы студзеня 2014 года "Белавія" пачала работу ў юрыдычным статусе адкрытага акцыянернага таварыства. З'яўляецца буйнейшым авіяперавозчыкам Беларусі, у тым ліку вядучым грузавым. Базіруецца ў Нацыянальным аэрапорце Мінск і ажыццяўляе рэгулярныя рэйсы ў 43 аэрапорты краін Еўропы і Азіі. Адпавядае вышэйшым міжнародным стандартам забеспячэння бяспекі. Флот авіякампаніі налічвае 22 паветраныя судны. У студзені-сакавіку бягучага года "Белавія" перавезла амаль 270,4 тыс. пасажыраў, што на 15,1 працэнта больш у параўнанні з аналагічным перыядам мінулага года.