8 жніўня, Мінск /Кар. БЕЛТА/. Разведчыкі ўдасканаляць палявую вывучку на заключным этапе падрыхтоўкі да сумеснага стратэгічнага вучэння ўзброеных сіл Беларусі і Расіі "Захад-2017", паведамілі БЕЛТА ў прэс-службе Міністэрства абароны.
Тактыка-спецыяльнае вучэнне сіл і сродкаў разведкі пройдзе 9-10 жніўня згодна з планам баявой падрыхтоўкі Заходняга аператыўнага камандавання на палігонах у зоне адказнасці аб'яднання.
"На вучэнні будуць адпрацаваны пытанні арганізацыі разведкі ў ходзе выканання задач па прызначэнні, а таксама кіравання сіламі і сродкамі разведкі і іх усебаковага забеспячэння", - праінфармавалі ў Мінабароны.-0-