12 сакавіка, Мінск /Аліна Грышкевіч - БЕЛТА/. Беларусь і Кітай абмяркоўваюць магчымасць пашырэння авіязносін. Аб гэтым БЕЛТА расказалі ў беларускай дыпламатычнай місіі ў Пекіне.
Гэтыя пытанні былі ў цэнтры ўвагі на перагаворах Надзвычайнага і Паўнамоцнага Пасла Беларусі ў Кітаі Кірыла Рудага з кіраўніцтвам авіякампаніі Air China, што адбыліся ў Пекіне. "У ходзе сустрэчы бакі абмеркавалі магчымасці пашырэння прамых рэйсаў паміж дзвюма дзяржавамі, і былі дасягнуты дамоўленасці аб двухбаковым супрацоўніцтве ў рамках правядзення Года турызму Беларусі ў Кітаі", - адзначылі ў пасольстве.
Кампанія Air China з'яўляецца флагманскай авіякампаніяй Кітая. У 2015 годзе кампанія запусціла першы прамы авіярэйс, які звязаў сталіцы дзвюх дзяржаў - гарады Пекін і Мінск.-0-
