1 сакавіка, Мінск /Кар. БЕЛТА/. Беларуская чыгунка назначыла на сакавіцкія святы дадатковыя паязды па краіне, паведамілі БЕЛТА ў прэс-цэнтры БЧ.
Дадатковыя паязды міжрэгіянальных ліній звяжуць Мінск з абласнымі цэнтрамі, а таксама буйнымі гарадамі. Усяго з 7 па 12 сакавіка назначана 26 паяздоў. Значная частка з іх адправіцца 7 сакавіка ў другой палавіне дня.
На 7 сакавіка назначаны дадатковыя паязды Мінск-Брэст, Мінск-Гомель, Мінск-Віцебск, Мінск-Пінск, Брэст-Мінск, Віцебск-Мінск, Гомель-Мінск, Гомель-Магілёў. 8 сакавіка адправяцца дадатковыя паязды Мінск-Гомель, Пінск-Мінск, Брэст-Мінск, Гомель-Мінск, 11 сакавіка - Гомель-Мінск, Камунары-Мінск, Мінск-Гомель, 12 сакавіка - Гомель-Мінск.
Набыць білеты, а таксама атрымаць дадатковую інфармацыю аб раскладзе, прыпынках і кошце праезду можна на сайце БЧ.-0-
