23 жніўня, Мінск /Кар. БЕЛТА/. Апарат Савета Міністраў стаў адным з сістэмаўтваральных элементаў вертыкалі дзяржкіравання і дастойна выконвае пастаўленыя задачы. Аб гэтым заявіў прэм'ер-міністр Сяргей Румас сёння на ўрачыстым мерапрыемстве да 25-годдзя Апарату Саўміна, перадае карэспандэнт БЕЛТА.
"У выбудаванай у нашай краіне вертыкалі дзяржаўнага кіравання Апарат Савета Міністраў з'яўляецца адным з сістэмаўтваральных элементаў. За гэтыя гады ўдалося сфарміраваць магутную шматпрофільную ўстанову, якая дастойна выконвае пастаўленыя перад ёй задачы", - сказаў Сяргей Румас.
Прэм'ер-міністр выказаў упэўненасць, што прафесіяналізм і адказнасць супрацоўнікаў Апарату Саўміна садзейнічаюць рэзультатыўнай рабоце ўрада, а значыць, і ўносяць свой уклад у развіццё краіны.
На ўрачыстым сходзе ўручылі ўзнагароды былым кіраўнікам Апарату Саўміна і яго супрацоўнікам.
Указ аб стварэнні Апарату Кабінета Міністраў Беларусі быў падпісаны 23 жніўня 1994 года, пазней ён быў ператвораны ў Апарат Савета Міністраў.-0-
