16 мая, Мінск /Кар. БЕЛТА/. Амаль 400 школ плануецца падключыць да сэрвісу "Электронны дзённік і журнал" да 1 верасня, паведаміў журналістам дырэктар платформы "Ведай.бай" Ігар Савасцьянчык, перадае карэспандэнт БЕЛТА.
"Сёння каля 800 школ выкарыстоўваюць сэрвіс "Электронны дзённік і журнал", да 1 верасня плануецца давесці іх колькасць да 1,2 тыс.", - сказаў Ігар Савасцьянчык.
Гэты сэрвіс з'яўляецца ключавым у платформе "Ведай.бай", акрамя яго школы выкарыстоўваюць "Сайт установы адукацыі", "Генератар раскладу", "Электронныя падручнікі", "Менеджар адукацыі", "Тэсты", "Плацяжы АРІП", "Сацыяльная адукацыйная сетка", "Дыстанцыйнае навучанне". Усяго платформай карыстаюцца 2 тыс. 387 школ, 160 тыс. 366 вучняў і 27 тыс. 314 настаўнікаў. Найбольш актыўна платформа развіваецца ў рэгіёнах.
Ігар Савасцьянчык адзначыў, што электронныя сэрвісы для школы даюць магчымасць аўтаматызаваць збор, захоўванне, апрацоўку і перадачу даных, што эканоміць час работнікаў сферы адукацыі. Сярод іншых пераваг - павышэнне даступнасці якаснага вучэбнага матэрыялу і вялікая ўключанасць школьнікаў у працэс навучання. Акрамя таго, настаўнікі і бацькі могуць назіраць за засваеннем кожным вучнем школьнай праграмы, што станоўча ўплывае на якасць навучання.-0-