22 чэрвеня, Мінск /Кар. БЕЛТА/. Усе рэсурсы неабходна сканцэнтраваць на ключавых прыярытэтах: інвестыцыях, занятасці, экспарце, інфарматызацыі і моладзі. Аб гэтым заявіў Прэзідэнт Беларусі Аляксандр Лукашэнка сёння на V Усебеларускім народным сходзе, перадае карэспандэнт БЕЛТА.
"Магчымасці стымуляваць рост эканомікі ў нас ёсць, і іх не так ужо мала, як можа падацца. Але сёння ключ да поспеху - уменне канцэнтраваць намаганні і сродкі", - адзначыў кіраўнік дзяржавы.
Праектам праграмы сацыяльна-эканамічнага развіцця краіны на 2016-2020 гады намечаны за пяць гадоў прырост ВУП, прадукцыйнасці працы і інвестыцый на 12-15 працэнтаў, экспарту - на 21-25 працэнтаў.-0-
