Поўная версія

Тэрытарыяльныя прафсаюзы дазволена ствараць у індустрыяльным парку "Вялікі камень"

Прэзідэнт 12.09.2017 | 12:04
Фота з архіва
Фота з архіва

12 верасня, Мінск /Кар. БЕЛТА/. У Кітайска-беларускім індустрыяльным парку "Вялікі камень" дазволена ствараць тэрытарыяльныя прафесійныя саюзы. Адпаведны дэкрэт нумар 6 падпісаў Прэзідэнт Беларусі Аляксандр Лукашэнка, паведамілі БЕЛТА ў прэс-службе кіраўніка дзяржавы.

Дакумент уносіць дапаўненне ў дэкрэт ад 26 студзеня 1999 года нумар 2 "Аб некаторых мерах па ўпарадкаванні дзейнасці палітычных партый, прафесійных саюзаў, іншых грамадскіх аб'яднанняў" і распрацаваны для забеспячэння больш шырокіх магчымасцей для аб'яднання (кансалідацыі) работнікаў арганізацый, якія знаходзяцца на тэрыторыі індустрыяльнага парка, на падставе агульнасці іх вытворчых і сацыяльных інтарэсаў, а галоўнае - для абароны іх сацыяльна-эканамічных правоў.

Дапаўненне падрыхтавана з улікам далейшага паступальнага развіцця індустрыяльнага парка, у якім ужо размяшчаюцца 34 юрыдычныя асобы.

Дэкрэт нумар 6 уступае ў сілу з дня яго падпісання, з'яўляецца часовым і згодна з ч.3 арт.101 Канстытуцыі Беларусі прадстаўляецца на разгляд Нацыянальнага сходу.-0-

Навіны рубрыкі Прэзідэнт
Поўная версія