30 студзеня, Мінск /Уладзімір Мацвееў - БЕЛТА/. Беларускае мытнае ведамства прадоўжыць узаемадзеянне з літоўскімі калегамі для вырашэння праблем чэргаў на граніцы. Аб гэтым старшыня ДМК Юрый Сянько расказаў журналістам пасля даклада Прэзідэнту Беларусі Аляксандру Лукашэнку, перадае карэспандэнт БЕЛТА.
"Задачы пастаўлены па далейшым узаемадзеянні з мытнымі органамі суседзяў, у тым ліку з'яўленні тых ці іншых выпадкаў, звязаных з чэргамі на граніцы", - сказаў старшыня ДМК.
Паводле яго слоў, даложана аб тым, што застаюцца праблемныя пытанні з чэргамі на літоўскім напрамку. "Але разам з тым таксама было даложана, што літоўскія калегі прызналі, што праблема і ў тым, што не хапае спецыялістаў на літоўскім баку, мытнікаў, - адзначыў Юрый Сянько. - Зразумела, гэта ўплывае на якаснае і хуткае афармленне транспартных сродкаў".
"Далейшае ўзаемадзеянне з мытнай адміністрацыяй Літвы будзе прадоўжана ў тым ліку на еўрапейскіх пляцоўках", - дадаў ён.-0-
