2 лютага, Мінск /Кар. БЕЛТА/. Рэканструкцыя моста праз Прыпяць у Жыткавіцкім раёне ўключана ў Дзяржаўную інвестыцыйную праграму на 2018 год. Гэта прадугледжана ўказам Прэзідэнта Беларусі, якім зацверджана інвестпраграма, паведамілі БЕЛТА ў прэс-службе беларускага лідара.
У прыватнасці, праграмай у бягучым годзе намечана пачаць фінансаванне будаўніцтва і рэканструкцыі трох дзясяткаў аб'ектаў. У іх ліку названы мост праз раку Прыпяць на аўтамабільнай дарозе Р88 Жыткавічы - граніца Украіны.
Як паведамлялася, рух па мосце праз Прыпяць у Жыткавіцкім раёне плануецца адкрыць у снежні 2018 года. Цяпер робіцца праект яго аднаўлення.
Рух праз Прыпяць ажыццяўляецца па пантонным мосце. Ён замяняе стацыянарны аўтамабільны мост, у канструкцыі якога ў снежні мінулага года была выяўлена трэшчына.-0-
