16 лютага, Слуцк /Кар. БЕЛТА/. Невялікія прыватныя мясаперапрацоўчыя камбінаты змогуць атрымліваць ва ўпраўленне сельгаспрадпрыемствы. Гэта пытанне абмяркоўвалася ў час рабочай паездкі Прэзідэнта Беларусі Аляксандра Лукашэнкі ў Слуцкі раён, перадае карэспандэнт БЕЛТА.
Кіраўнік дзяржавы лічыць магчымым перадаваць у кіраванне невялікім прыватным мясаперапрацоўчым камбінатам сельгаспрадпрыемствы ў якасці сыравіннай зоны. "Не абавязкова перадаваць ва ўласнасць, аддадзім у кіраванне", - прапанаваў Аляксандр Лукашэнка.
Ён падкрэсліў, што ўлада не павінна ўмешвацца ў работу перададзеных прадпрыемстваў, аднак неабходна будзе па-ранейшаму кантраляваць кадры. "Кадры - гэта палітыка дзяржаўная. Кадры вырашаюць усё", - канстатаваў Прэзідэнт.-0-
