Поўная версія

"Падарылі свята ўсёй краіне" - Лукашэнка пра перамогу мінскага "Дынама" над "Зенітам"

Прэзідэнт 10.08.2018 | 18:14
Аляксандр Лукашэнка
Аляксандр Лукашэнка

10 жніўня, Гомель /Вераніка Пуставіт - БЕЛТА/. Перамога "Дынама-Мінск" над піцерскай футбольнай камандай "Зеніт" - гэта свята для ўсёй краіны. Такое меркаванне выказаў Прэзідэнт Беларусі Аляксандр Лукашэнка, адказваючы на пытанні работнікаў ААТ "Гомсельмаш" у ходзе рабочай паездкі ў Гомельскую вобласць, перадае карэспандэнт БЕЛТА.

"Яны падарылі свята ўсёй краіне. Малайцы! Яны змагаліся да канца. Мы бачылі, у якім стане гэты "Зеніт" быў. Некаторыя ігракі ўжо на карачках хадзілі. Інакш кажучы, яны (ігракі "Дынама-Мінск". - Заўвага БЕЛТА) выкачалі іх у гэта гарачае надвор'е вельмі добра. І яны забілі чатыры мячы. 4:0 - гэта застанецца ў гісторыі", - адзначыў кіраўнік дзяржавы.

"Што зрабілі ўчора мінчане! Яны проста малайцы! Тут шапказакідальніцтвам не трэба займацца. Гэта яны гулялі не з мільянерамі, а з мільярдэрамі! Гэта ("Зеніт". - Заўвага БЕЛТА) - галоўны клуб "Газпрама", галоўнае дзецішча іх. Гэта па-першае. Па-другое, у іх сезон толькі пачаўся. Па-трэцяе, яны з распальцоўкай прыехалі, і, так адчуваю, недаацанілі мінчан. Ну і, па-чацвёртае, Бог быў на нашым баку, таму што мячы такія забівалі, што іншым разам проста шанцавала. А шанцуе мацнейшым", - сказаў беларускі лідар.

"Таму вельмі добрыя ўражанні. Не апаганілі стадыён "Дынама", які мы нанава пабудавалі да II Еўрапейскіх гульняў. Гэта лёгкаатлетычны стадыён, але і футбольнае поле вырашылі захаваць", - сказаў кіраўнік дзяржавы.

Аляксандр Лукашэнка адзначыў, што пры ўдзеле Кітайскай Народнай Рэспублікі ў далейшым будзе пабудаваны і Нацыянальны футбольны стадыён, які будзе змяшчаць у два разы больш гледачоў, чым абноўлены стадыён "Дынама". "Гэта будзе сучасны, добры стадыён", - дадаў Прэзідэнт.

Як паведамлялася раней, футбалісты "Дынама-Мінск" разграмілі піцерскі "Зеніт" у дамашнім матчы 3-га раўнда кваліфікацыі Лігі Еўропы з лікам 4:0. Матч у адказ паміж мінскім "Дынама" і "Зенітам" пройдзе 16 жніўня ў Санкт-Пецярбургу.-0-

Навіны рубрыкі Прэзідэнт
Лукашэнка мае намер у бліжэйшы час адрэагаваць на шэраг заяў у СМІ і інтэрнэце
17 жнівеня, 11:55
Лукашэнку далажылі аб прапановах па кадравых назначэннях ва ўрадзе
17 жнівеня, 11:21
Лукашэнка разлічвае на пашырэнне кантактаў паміж Беларуссю і Інданезіяй
17 жнівеня, 09:21
Лукашэнка: супрацоўніцтва Беларусі і Габона адпавядае інтарэсам народаў абедзюх краін
17 жнівеня, 09:12
Гендырэктар Траццякоўскай галерэі Зельфіра Трэгулава ўзнагароджана ордэнам Францыска Скарыны
16 жнівеня, 19:05
Лукашэнка ўзнагародзіў Кадырава ордэнам Дружбы народаў
16 жнівеня, 18:55
Фота з архіва Службовыя асобы прыцягнуты да адказнасці за невыкананне даручэнняў Прэзідэнта Беларусі
16 жнівеня, 17:21
Аляксандр Васільеў назначаны начальнікам УУС Гомельскага аблвыканкама
15 жнівеня, 19:55
З рэзервовага фонду Прэзідэнта Беларусі выдзеляць Br77 млн на падрыхтоўку да ІІ Еўрапейскіх гульняў
15 жнівеня, 19:39
Поўная версія