1 кастрычніка, Мінск /Кар. БЕЛТА/. Наведванне замежнымі грамадзянамі і асобамі без грамадзянства рэспубліканскага ландшафтнага заказніка "Альманскія балоты" на платнай аснове прадоўжана да 2021 года. Адпаведны ўказ падпісаў Прэзідэнт Беларусі Аляксандр Лукашэнка, паведамілі БЕЛТА ў прэс-службе кіраўніка дзяржавы.
Гэта рашэнне дасць магчымасць прадоўжыць работу па ўпарадкаванні рэжыму сезоннага наведвання гэтага заказніка жыхарамі прыгранічных раёнаў Украіны.
Штогод у перыяд сезоннага збору дзікаросаў заказнік "Альманскія балоты" наведваюць каля 600 чалавек.-0-