7 лютага, Мінск /Кар. БЕЛТА/. Нацыянальны банк надзяляецца правам рэгулявання дзейнасці нацыянальных рэйтынгавых агенцтваў. Гэта прадугледжана ўказам нумар 42, які Прэзідэнт Беларусі Аляксандр Лукашэнка падпісаў 7 лютага, паведамілі БЕЛТА ў прэс-службе беларускага лідара.
Прынятым дакументам карэкціруецца Статут Нацбанка. "Нацыянальны банк надзяляецца правам рэгулявання дзейнасці нацыянальных рэйтынгавых агенцтваў. Гэта сфера з'яўляецца новым напрамкам для айчыннага фінансавага рынку, і ў Беларусі на гэты час няма такіх арганізацый. Таму размова ідзе аб стварэнні заканадаўчай асновы ў гэтых адносінах, паколькі нацыянальныя рэйтынгавыя агенцтвы з'яўляюцца неад'емнай часткай інфраструктуры фінансавага рынку", - расказалі ў прэс-службе.
Акрамя таго, тэкст Статута Нацыянальнага банка прыводзіцца ў адпаведнасць з дзеючым заканадаўствам, выключаецца дубліраванне норм з Банкаўскім кодэксам.-0-
