3 мая, Мінск /Кар. БЕЛТА/. Начальнік Дзяржаўнай інспекцыі аховы жывёльнага і расліннага свету Сяргей Новікаў і яго намеснік Аляксандр Дуньковіч вызвалены ад займаемых пасад за непрыняцце мер па спыненні правапарушэнняў і фактаў карупцыі ў падведамных арганізацыях. Адпаведны ўказ 2 мая падпісаў Прэзідэнт Беларусі Аляксандр Лукашэнка, паведамілі БЕЛТА ў прэс-службе беларускага лідара.
Як паведамлялася, раней у інспекцыі былі выяўлены факты карупцыі, звязаныя з браканьерствам.
Карупцыйныя правапарушэнні былі выяўлены і ў сістэме Міністэрства энергетыкі. Па гэтых падставах быў звольнены генеральны дырэктар ДВА "Белэнерга" Яўген Воранаў. А 2 мая стала вядома і аб вызваленні ад пасады міністра энергетыкі Уладзіміра Патупчыка.-0-