16 мая, Мінск /Уладзімір Мацвееў - БЕЛТА/. Кіраўнік дзяржавы Аляксандр Лукашэнка зрабіў кадравыя перастаноўкі ў кіраўніцтве Нацыянальнай акадэміі навук Беларусі, паведамляе БЕЛТА.
Намеснікам старшыні Прэзідыума НАН назначаны Аляксандр Кільчэўскі, які да гэтага працаваў на пасадзе галоўнага вучонага сакратара Нацыянальнай акадэміі навук. У сваю чаргу гэту пасаду заняў Андрэй Іванец. Раней ён быў намеснікам дырэктара па навуковай рабоце дзяржаўнай навуковай установы "Інстытут агульнай і неарганічнай хіміі Нацыянальнай акадэміі навук Беларусі".
Аляксандр Лукашэнка таксама даў згоду на назначэнне Вадзіма Маханько генеральным дырэктарам рэспубліканскага ўнітарнага прадпрыемства "Навукова-практычны цэнтр Нацыянальнай акадэміі навук Беларусі па бульбаводстве і плодаагародніцтве". Да цяперашняга часу ён займаў у гэтай арганізацыі пасаду намесніка генеральнага дырэктара па навуковай рабоце.-0-