23 лістапада, Мінск /Кар. БЕЛТА/. Прэзідэнт Беларусі Аляксандр Лукашэнка зацвердзіў крэдытнае пагадненне паміж Беларуссю і Еўрапейскім банкам рэканструкцыі і развіцця. Адпаведны ўказ нумар 420 кіраўнік дзяржавы падпісаў 23 лістапада, паведамілі БЕЛТА ў прэс-службе беларускага лідара.
Пагадненне было падпісана ў Мінску 14 верасня 2017 года. Яно будзе садзейнічаць капіталізацыі ААТ "Беларускі банк развіцця і рэканструкцыі "Белінвестбанк" праз прадастаўленне субардынаванага крэдыту.
Указ уступае ў сілу з дня яго падпісання.
Як паведамлялася, у верасні Аляксандр Лукашэнка падпісаў указ аб прыцягненні ў 2017 годзе знешняй дзяржаўнай пазыкі ў суме 50 млн еўра ад ЕБРР для ўмацавання капіталу "Белінвестбанка" тэрмінам на 6 гадоў.-0-
