17 жніўня, Мінск /Кар. БЕЛТА/. Прэзідэнт Беларусі Аляксандр Лукашэнка выказаў спачуванні родным, блізкім і калегам народнай артысткі Расіі Веры Глаголевай у сувязі з яе смерцю. Аб гэтым БЕЛТА паведамілі ў прэс-службе беларускага лідара.
"Вера Вітальеўна, якая валодала непаўторнай манерай ігры і тонкім успрыманнем характараў персанажаў, стварыла на экране і ў тэатры дзясяткі запамінальных роляў, дзякуючы якім здабыла ўсенародную любоў і прызнанне прафесіяналаў", - гаворыцца ў спачуванні.
Кіраўнік дзяржавы падкрэсліў, што творчая спадчына Веры Глаголевай стала неад'емнай часткай скарбніцы савецкага і расійскага мастацтва.-0-
