17 лютага, Мінск /Кар. БЕЛТА/. Прэзідэнт Беларусі Аляксандр Лукашэнка выказаў спачуванні прэм'ер-міністру Пакістана Навазу Шарыфу і грамадзянам гэтай краіны ў сувязі з гібеллю людзей у выніку тэрарыстычнага акта ў Сехване. Аб гэтым БЕЛТА паведамілі ў прэс-службе беларускага лідара.
"З цяжкім сэрцам даведаўся пра жудасны тэрарыстычны акт у Пакістане – выбух у мусульманскім храме Лал Шахбаз у горадзе Сехван", - гаворыцца ў спачуванні.
Кіраўнік дзяржавы адзначыў, што праз атакі на святыні, якія захоўваюць гісторыю і культуру, праз ахвяры бязвінных людзей тэрарысты намагаюцца запалохаць і раз'яднаць грамадства. "Перакананы, што пакістанскі народ, які нягледзячы ні на што застаецца адзіным, здолее перамагчы тэрарыстычную пагрозу", - падкрэсліў Аляксандр Лукашэнка.-0-
