Сцяг Чацвер, 28 сакавіка 2024
Усе навіны
Усе навіны
Прэзідэнт
20 красавіка 2019, 09:00

Лукашэнка: Вялікдзень абуджае ў людзях імкненне быць міласэрнымі і жыць сумленна

20 красавіка, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў хрысціян Беларусі, якія адзначаюць Вялікдзень 21 красавіка, з гэтым святам. Аб гэтым БЕЛТА паведамілі ў прэс-службе кіраўніка дзяржавы.

"Гэта вялікае таінства ўвасабляе ў сабе самыя запаветныя мары, азначае перамогу жыцця і дабра, служыць невычэрпнай крыніцай духоўнай стойкасці", - гаворыцца ў віншаванні.

Аляксандр Лукашэнка адзначыў, што, сцвярджаючы стваральныя ідэі братэрства і чалавекалюбства, Светлы Вялікдзень абуджае ў людзях імкненне жыць сумленна, быць міласэрнымі, дапамагаць тым, хто мае патрэбу ў клопаце і суцяшэнні.

"Велікодныя дні нагадваюць нам аб нязменных хрысціянскіх каштоўнасцях, раскрываюць лепшыя душэўныя якасці, умацоўваюць мір і згоду ў грамадстве", - падкрэсліў Прэзідэнт.

Віншаванне Прэзідэнта Беларусі з Уваскрэсеннем Хрыстовым

Хрысціянам Беларусі,

якія святкуюць Вялікдзень

21 красавіка 2019 года

Дарагія суайчыннікі!

Сардэчна віншую вас са святам Уваскрэсення Хрыстовага.

Гэта вялікае таінства ўвасабляе ў сабе самыя запаветныя мары, азначае перамогу жыцця і дабра, служыць невычэрпнай крыніцай духоўнай стойкасці.

Сцвярджаючы стваральныя ідэі братэрства і чалавекалюбства, Светлы Вялікдзень абуджае ў людзях імкненне жыць сумленна, быць міласэрнымі, дапамагаць тым, хто мае патрэбу ў клопаце і суцяшэнні. Велікодныя дні нагадваюць нам аб нязменных хрысціянскіх каштоўнасцях, раскрываюць лепшыя душэўныя якасці, умацоўваюць мір і згоду ў грамадстве.

Жадаю вам, дарагія сябры, здароўя, шчасця, поспеху ва ўсіх пачынаннях. Няхай здзяйсняюцца самыя запаветныя мары, а ў вашых дамах і сем'ях заўсёды будуць спакой, цяпло і ўтульнасць.

Аляксандр Лукашэнка.-0-

Падпісвайцеся на нас у
Twitter
Топ-навіны
Свежыя навіны Беларусі