25 жніўня, Мінск /Кар. БЕЛТА/. Намеснік старшыні Савета Федэрацыі Федэральнага сходу Расіі Юрый Вараб'ёў узнагароджаны ордэнам Пашаны. Адпаведны ўказ кіраўнік дзяржавы Аляксандр Лукашэнка падпісаў 25 жніўня, паведамілі БЕЛТА ў прэс-службе беларускага лідара.
Юрый Вараб'ёў узнагароджаны ордэнам Пашаны за значны асабісты ўклад у развіццё эканамічных і гуманітарных сувязей паміж Беларуссю і Расіяй, міжпарламенцкага супрацоўніцтва, умацаванне дружалюбных адносін і адзінства народаў дзвюх краін.-0-