23 красавіка, Шклоўскі раён /Уладзімір Мацвееў - БЕЛТА/. Прэзідэнт Беларусі Аляксандр Лукашэнка з трыма сынамі 21 красавіка ў дзень рэспубліканскага суботніка працаваў на добраўпарадкаванні Трафімавай крыніцы на сваёй малой радзіме - каля аграгарадка Александрыя ў Магілёўскай вобласці, перадае карэспандэнт БЕЛТА.
Трафімава крыніца была адноўлена некалькі гадоў таму па даручэнні Прэзідэнта. Вада ў ёй асвечаная і ўнікальна чыстая па сваіх уласцівасцях. За ёй едуць людзі з усіх навакольных раёнаў, а нярэдка і з Расіі.
Вядома, што крыніца была адным з любімых месц адпачынку Аляксандра Лукашэнкі ў дзяцінстве. З крыніцай яго звязвае і сямейная гісторыя. У свой час крыніцу ўладкаваў дзед прэзідэнта - цясляр Трафім. Па яго імені людзі і сталі называць гэта месца.
Цяпер каля крыніцы разбіты невялікі сад, у якім дрэвы высаджаны ў выглядзе літар Т і К, увекавечваючы тым самым назву крыніцы.
Як паведамлялася, у дзень рэспубліканскага суботніка ў гэтым годзе кіраўнікі дзяржорганаў Беларусі таксама адправіліся кожны на сваю малую радзіму.-0-
Фота Андрэя Стасевіча.