13 верасня, Мінск /Кар. БЕЛТА/. Прэзідэнт Беларусі Аляксандр Лукашэнка правядзе сёння перагаворы з наследным прынцам Абу-Дабі, намеснікам Вярхоўнага галоўнакамандуючага Узброенымі Сіламі Аб'яднаных Арабскіх Эміратаў шэйхам Мухамедам бен Заідам аль-Нахаянам, які ўпершыню наведвае Беларусь з афіцыйным візітам. Аб гэтым БЕЛТА паведамілі ў прэс-службе беларускага лідара.
Сустрэча кіраўніка дзяржавы і высокага замежнага госця пройдзе ў Палацы Незалежнасці. Бакі абмяркуюць шырокі спектр пытанняў, якія ўяўляюць узаемны інтарэс, прааналізуюць выкананне раней дасягнутых дамоўленасцей, намецяць перспектыўныя напрамкі гандлёва-эканамічнага, інвестыцыйнага супрацоўніцтва і ўзаемадзеяння ў іншых сферах.
Аляксандр Лукашэнка і шэйх Мухамед бен Заід аль-Нахаян таксама абмяняюцца меркаваннямі па актуальных пытаннях міжнароднага парадку дня.-0-