17 лістапада, Мінск /Кар. БЕЛТА/. Прэзідэнт Беларусі Аляксандр Лукашэнка ў час сустрэчы з прадстаўнікамі расійскіх рэгіянальных сродкаў масавай інфармацыі расказаў аб сваім падворку і стаўленні да жывёл, перадае карэспандэнт БЕЛТА.
"У мяне вельмі шмат жывёл. Страусы, індакачкі, качкі, 25 гусянят (да Новага года дару людзям), куры кітайскія, куры звычайныя, трусы (засталося 20 - выключна для таго, каб падарыць камусьці), 10 кароў, 10 коз, 15 авечак, 7 ці 8 коней, чатыры сабакі (дзве лайкі, лабрадор і нямецкая аўчарка - усе падораныя), тры каты, - пералічыў Аляксандр Лукашэнка. - Я любіцель жывёл".
"Як ты ставішся да прыроды і жывёл - так у цябе і жыццё будзе складвацца", - лічыць Прэзідэнт.-0-
